Fərid Axundov maliyyə və bankçılıq sahəsində 30 ilə yaxın rəhbərlik təcrübəsinə malikdir. 2023-cü ildən etibarən Bakı Fond Birjasının Müşahidə Şurasının sədri olaraq fəaliyyət göstərən cənab Axundov, Fond Birjasının strateji istiqamətini və əməliyyat mükəmməlliyinə nəzarət edir, Birjanın inkişafını sürətləndirir və ən yaxşı qlobal təcrübələrə uyğunlaşmanı təmin edir.  

Öncədən, cənab Axundov “PAŞA Bank”-ın baş icraçı direktoru və Müşahidə Şurasının üzvü olaraq fəaliyyət göstərib və bankın yaradılması, inkişafı və Azərbaycanın aparıcı korporativ bank qurumu kimi formalaşmasında mühüm rol oynayıb. O, həmçinin “Standard Bank”-da uğurlu rebrendinq və gəlir artımı təşəbbüslərinə rəhbərlik edib, eləcə də “HSBC Bank Middle East”-in inkişafına böyük töhfə verərək HSBC-də Baş İcraçı Direktorun müavini vəzifəsinə qədər yüksəlib.  

Fərid Axundov Beynəlxalq Biznes üzrə magistr dərəcəsini Salford Universitetindən, İqtisadiyyat üzrə diplomunu Azərbaycan Dövlət İqtisad İnstitutundan və Menecment üzrə aspirantura sertifikatını Nottingham Trent Universitetindən alıb.